Najljepše se uči kad se igra i zabavlja. Na času Crnogorsko-srpskog, bosanskog, hrvatskog  jezika i književnosti, prvaci su učili pjesmu ,,Deset ljutih gusara.”

Uvodnu motivaciju predstavljali su papirni brodovi. Učenici su izvlačili papirni brodić  na kome je ispisana po jedna riječ (talasi, sidro, kapetan, paluba, kabina, oluja, brodolom, kormilo…) koju objašnjavaju uz  dopunjavanje  nastavnika.

Uz malu pomoć vaspitačice Blaženke Vujanović i učiteljice Nevenke Vulić maskirali su se u gusare i dotjerivali za nastup u odjeljenskoj predstavi.  Vođeni maštom, njihova učionica predstavljala je brod, a učenici I-3 činili su posadu broda. Razbrajalicom, kao u dječijoj igri, odredili su ko će biti kapetan broda, a onda kapetanu dodijelili kapu i čin. Poštovali su naredbe kapetana. Domišljato i hrabro  su se  snalazili u borbi sa velikim talasima i ljutim gusarima. Umijeće i žar sa kojim se djeca igraju nema granica. Mašta vodi  posadu broda na zajedničko putovanje.

Bilo je to besplatno putovanje brodom jer  mašta je najbrže prevozno sredstvo.

Prilog pripremila Nevenka Vulić