Učenici V razreda obilježili su 21. mart -  dječiju poetsku svetkovinu. Ljubav prema poeziji povela ih je u školsku biblioteku, gdje ih je ljubazno dočekala bibliotekarka Jelena Savović, u najboljem društvu, u okruženju knjiga. Impresionirani dobrodošlicom, imali su zadovoljstvo da se prisjete čuvenih dječijih pjesnika: Dragana Radulovića, Dušana Đurišića, Dragiše Jovovića, Vita Nikolića, Blage Žurić, Dejana Đonovića. Čuli su izlaganje bibliotekarke o značaju dječije poezije i njegovanju ljubavi prema lijepoj riječi. Na policama su se nudile sve vrste knjiga koje se poželjeti mogu. Toliko različitih svjetova - pravo carstvo! Učenici su radoznalo i s pažnjom razgledali korice knjiga, okretali listove najboljeg druga uz koga učimo i pronalazili svoje uzore. Recitovali supjesme cijenjenih pjesnika i pjesme svojih drugova.

Zahvalni bibliotekarki Jeleni, otišli su iz biblioteke s knjigom u ruci, uz obećanje da će opet doći.

Koordinator aktivnosti: Nevenka Vulić Učestvovale: Biljana Božović, Maja Bulatović, Suzana Žurić,Tanja Blagojević i Sandra Rašović