Danas su u našoj školi realizovane radionice na temu vršnjačkog nasilja za učenike šestog razreda.

Radionice su održane u tri odjeljenja, a realizovale su ih članice tima Savjetovališta za mlade – Dom zdravlja Glavnog grada – socijalna radnica Milena Lazović Boričić i medicinska sestra Čejović Jasna. Aktivnosti su bile usmjerene na razgovor sa učenicima o različitim oblicima vršnjačkog nasilja, njegovim posljedicama i načinima reagovanja u situacijama kada se nasilje prepozna.

U narednom periodu planirana je realizacija još četiri radionice na istu temu u preostala četiri odjeljenja šestog razreda,  a održaće se 11. i 12. decembra 2025. godine.

Zahvaljujemo se timu Savjetovališta za mlade – Dom zdravlja Glavnog grada na kontinuiranoj saradnji, stručnom doprinosu i podršci u realizaciji preventivnih aktivnosti u našoj školi.